ବିପର୍ଯ୍ୟୟ ପରିଚାଳନା ଅଧିନିୟମ ୨୦୦୫ ର ଧାରା ୧୪ ଉପଧାରା (୧) ଏବଂ (୨) ଅନୁଯାୟୀରାଜ୍ୟ ସରକାରଙ୍କ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗରଅଧିସୂଚନା ସଂଖ୍ୟା ୪୨୩୭୦ ତା ୨୦/୧୦/୨୦୧୦ ଦ୍ଵାରା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ଗଠନ କରାଯାଇଅଛି ।

ରାଜ୍ୟର ମୁଖ୍ୟମନ୍ତ୍ରୀ ଉକ୍ତ ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷର ଅଧ୍ୟକ୍ଷ ଅଟନ୍ତି । ଓଡିଶା ରାଜ୍ୟ ବିପର୍ଯ୍ୟୟ ପରିଚାଳନା ନିୟମ ୨୦୧୦ ର ନିୟମ ୩ ଅନୁଯାୟୀ, ରାଜ୍ୟର ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ମନ୍ତ୍ରୀ ଏହାର ଉପ।ଧ୍ୟକ୍ଷ ଅଟନ୍ତି ।ଅନ୍ୟ ୭ ଜଣ ସଦସ୍ୟ ଅଧ୍ୟକ୍ଷଙ୍କ ଦ୍ଵାରା ମନୋନୀତ ହୋଇଛନ୍ତି । ବିପର୍ଯ୍ୟୟ ପରିଚାଳନା ଆଧିନିୟମ ୨୦୦୫ ର ଧାରା ୧୪ (୪) ଅନୁଯାୟୀ ରାଜ୍ୟର ମୁଖ୍ୟ ଶାସନ ସଚିବ (ରାଜ୍ୟ କାର୍ଯ୍ୟ ନିର୍ବାହୀ କମିଟିର ଅଧ୍ୟକ୍ଷ) ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଭାବେ ନିଯୁକ୍ତ ହୋଇଛନ୍ତି ।

ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ବିଭାଗ ବିଜ୍ଞପ୍ତି ସଂଖ୍ୟା ୧୬୧୩ ତା ୩୧/୦୮/୨୦୧୩ ଅନୁଯାୟୀ ରାଜ୍ୟରେ ନିମ୍ନ ସଦସ୍ୟ ମାନଙ୍କୁ ନେଇ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷର ପୁନଃଗଠନ କରାଯାଇଅଛି ।

୧.	ମୁଖ୍ୟମନ୍ତ୍ରୀ	ଅଧ୍ୟକ୍ଷ
୨.	ମନ୍ତ୍ରୀ, ରାଜସ୍ୱ ଓ ବିପର୍ଯ୍ୟୟ ପରିଚାଳନା	ସଦସ୍ୟ ଏବଂ ଉପାଧ୍ୟକ୍ଷ
୩.	ମନ୍ତ୍ରୀ,କୃଷି	ସଦସ୍ୟ
୪.	ମନ୍ତ୍ରୀ,ଅର୍ଥ	ସଦସ୍ୟ
୫.	ମୁଖ୍ୟ ଶାସନ ସଚିବ	ସଦସ୍ୟ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ
୬.	ଉନ୍ନୟନ ଆୟୁକ୍ତ /ଅତିରିକ୍ତ ଉନ୍ନୟନ ଆୟୁକ୍ତ	ସଦସ୍ୟ
୭.	ଶାସନ ସଚିବ , ଗୃହ ବିଭାଗ	ସଦସ୍ୟ
୮.	ଶାସନ ସଚିବ, ଜଳ ସମ୍ପଦ ବିଭାଗ	ସଦସ୍ୟ
୯.	ଶାସନ ସଚିବ, ରାଜସ୍ୱ ଓ ବିପର୍ଯ୍ୟୟ ପରିଚାଳନା	ସଦସ୍ୟ
୧୦.	ସ୍ଵତନ୍ତ୍ର ସାହାଯ୍ୟ ଆୟୁକ୍ତ

ସ୍ଵତନ୍ତ୍ର ସାହାଯ୍ୟ ଆୟୁକ୍ତଙ୍କୁ ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ଅତିରିକ୍ତ ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଭାବେ ଘୋଷଣା କରାଯାଇଅଛି ।